JokesMalayalam.com

മകളുടെ മുഖം ആകെ വാടിയിരിക്കുന്നു😔

രാത്രിയിൽ അച്ഛൻ മകളെ വിളിച്ചു അടുത്തിരുത്തി കാര്യം തിരക്കി

മോളുടെ പ്രശ്നം എന്താ ??

അത് അച്ഛാ തെക്കെലെ ഗോപാലൻ ചേട്ടന്റെ ഭാര്യയുടെ പേരും എന്റെ പേരും ഒന്ന് തന്നെ ആണല്ലോ,പിന്നെ ആ ചേച്ചിയുടെ നാളും അശ്വതി തന്നെയാ..

അച്ഛാ നമ്മൾ അർച്ചന കഴിപ്പിക്കുമ്പോൾ നാളും പേരും മാത്രം അല്ലെ പറയുന്നുള്ളൂ.. വയസ്, കല്യണം കഴിച്ചതാണോ? അങ്ങനെ ഉള്ള കാര്യങ്ങൾ പറയുന്നില്ലല്ലോ.

അത് കൊണ്ട് എന്താ ??

അതേയ്... ഞാൻ ഒരു വിദ്യാ മന്ത്രവും ,
ആ ചേച്ചി സന്തനാലബ്ധിക്കുള്ള അർച്ചനയും ആണ് കഴിപിച്ചത് ദേവിക്ക് എങ്ങാനും ഞങ്ങളെ മാറി പോയാലോ എന്നാ പേടി !!!!!!!😰😳

അമ്മയുടെ കൈയിൽ നിന്ന് അച്ഛനു കൊണ്ട് വന്ന ചായ ഗ്ലാസ് നിലത്തു വീഴുന്ന ശബ്ദം കേട്ടു...........

ഇനി അമ്പലങ്ങളിൽ
ആധാർ നിർബ്ബന്ധം ആക്കണം😜😜😜😜

അലോപ്പതി ഡോക്ടർമാരുടെ പേര് തനി നാടൻ മലയാളത്തിൽ ആയാൽ ഇങ്ങനെയിരിക്കും

Orthopaediatrist- എല്ലൻ

Dentist - പല്ലൻ

Opthamologist - കണ്ണൻ

E.N.T- നാക്കൻ, മൂക്കൻ, ചെവിയൻ, വായൻ

Neurologist - ഞരമ്പൻ ,തലയൻ

Cardiologist - ചങ്കൻ

Paediatrician-കുഞ്ഞൻ

Gastroenterologist-വയറൻ

Skin specialist-തൊലിയൻ

Sexologist - കാമൻ

Psychologist - ഭ്രാന്തൻമാരുടെ ഉപദേശി

Psychiatrist - വട്ടൻ

Nephrologist - വൃക്കൻ

Urologist - മൂത്രൻ

Gynacologist- വയറ്റാട്ടി

Dermatologist- ചൊറിയൻ, ചിരങ്ങൻ

Cosmologist- സുന്ദരൻ

Hair specialist- മുടിയൻ

Liver specialist- കരളൻ

Spine specialist- നട്ടെല്ലുള്ളവൻ

Physiotherapist- തിരുമ്മുകാരൻ, മർമ്മാണി

Pulmonologist - ശ്വാസൻ

Anaesthesiologist- മയക്കൻ

Chest specialist- നെഞ്ചൻ

Surgeon: പൊളിയൻ


😂😂😜😝🤣🙊🙊🤣🤣🤣

എല്ലാത്തവണയും ക്രെഡിറ്റ് കാർഡിന്റെ ബില്ലടക്കാറാവുമ്പോൾ ഞാനാ സുഹൃത്തിനെ ഓർക്കും. വർഷങ്ങൾക്കുമുൻപ്, ക്രെഡിറ്റ് കാർഡെന്നൊക്കെ കേട്ടിട്ട് മാത്രമുണ്ടായിരുന്ന കാലത്ത് HDFC യുടെ ക്രെഡിറ്റ് കാർഡ് മാർക്കറ്റ് ചെയ്യാൻ വന്ന എക്സ്സിക്ക്യൂട്ടീവിനെ ഒരൊറ്റ ചോദ്യം കൊണ്ട് പ്ളിംഗിച്ചവനെ.
അന്നേതാണ്ടൊരു നാൽപ്പത്തഞ്ച് മിനിറ്റ് അങ്ങോര്‌ ആ കാർഡിനെക്കുറിച്ച് പ്രസംഗിച്ചു. അതിബുദ്ധിമാന്മാരായ ഞങ്ങൾ ഒരു പുല്ലും മനസ്സിലായില്ലെങ്കിലും എല്ലാം തലകുലുക്കി സമ്മതിച്ചു. എല്ലാം കഴിഞ്ഞപ്പോ കൂട്ടത്തിൽ കൂടുതൽ മണ്ടനായ ഒരുത്തന്റെ വക ഒരു മാരക ചോദ്യം.
“അപ്പോ....ഈ ക്രെഡിറ്റ് കാർഡിന്റെ ബില്ലടക്കാൻ, ഈ കാർഡ് തന്നെ ഉപയോഗിക്കാൻ പറ്റ്വോ?”
“ങ്ങേ??? എന്താന്ന്??”
“അതായത്, നിങ്ങടെ ഈ കാർഡ് ഞാൻ എടുത്താൽ മാസാമാസം ബില്ല് വരില്ലേ? അപ്പോ ഞാൻ അതടക്കണ്ടേ? അതടക്കാൻ ഈ കാർഡ് തന്നെ ഉപയോഗിക്കാൻ പറ്റുമോന്ന്....”
“അല്ല, അതിപ്പോ....അതെങ്ങനെ ശരിയാവും?ഇല്ല സാർ. അതു പറ്റില്ല”
“എന്താണ്‌ മിസ്റ്റർ. നിങ്ങൾക്കുതന്നെ നിങ്ങടെ കാർഡിനെ വിശ്വാസമില്ലെങ്കിപ്പിന്നെ ഞങ്ങളെങ്ങനെ ഈ സാധനം വിശ്വസിച്ച് വാങ്ങും. എനിക്കൊന്നും വേണ്ട. പൊക്കോ പൊക്കോ...” 😄😄

😂😂😜😝🤣🙊🙊🤣🤣🤣

കുവൈറ്റിൽ ബീഫ് കഴിച്ചതിനു യുവാവിന്‌ ക്രൂര മര്‍ദ്ദനം..

കുവൈറ്റ്:
കുവൈറ്റിലെ സഫാനു സമീപം ബ്ളോക്ക് 106 ലെ മിനിസ്ട്രി ബില്‍ഡിങ്ങില്‍ ഇന്നലെ രാത്രിയിലായിരുന്നു സംഭവം. കൊല്ലം സ്വദേശി മനോജ് തങ്കച്ചനാണ് മര്‍ദ്ദനമേറ്റത്. നാട്ടിൽ നിന്നും മനോജിന്‍റ അമ്മ കൊടുത്തയച്ച ബീഫ് ഒലത്തിയത് റൂമിലുള്ള മറ്റാർകും കൊടുക്കാതെ ഒറ്റക്ക് തിന്നതിനാണ് സുഹൃത്തുകൾ മർദ്ദിച്ചത്..😄😄😄

ന്യൂ ജനറേഷൻ...

സ്കൂളിൻറെ പിറകിലുള്ള ചെറിയ കുറ്റിക്കാട് കടന്നുവേണം ശാരദ ടീച്ചർക്ക് വീട്ടിൽ പോകാൻ ..

വൈകീട്ട് വീട്ടിൽ പോകവേ അരികെയുള്ള കുറ്റിക്കാട്ടിൽ നിന്ന് പുക ഉയരുന്നത് ടീച്ചറുടെ ശ്രദ്ധയിൽ പെട്ടു .

സംഭവമെന്തെന്നറിയാൻ ടീച്ചർ പോയി നോക്കിയപ്പോൾ ശരിക്കും ഞെട്ടി, 4-ആം ക്ലാസ്സിലെ ഒരു പയ്യൻ എല്ലാം മറന്ന് പുകച്ചു വിടുകയാണ് !! ടീച്ചർ ചെറുക്കനെ കൈകാര്യം ചെയ്യാതെ ഉപദേശത്തിലൂടെ മനസ്സുമാറ്റാൻ ശ്രമിച്ചു:
"മോനെ പുകവലിക്കരുത് !! അത് ഭാവിയിൽ നിനക്ക് നിരവധി രോഗങ്ങൾ സമ്മാനിക്കും ..അതിൽ നിക്കോട്ടിൻ എന്ന മാരക വിഷാംശ മുണ്ട് ......"

ഉപദേശങ്ങൾ പൂർത്തീകരിക്കുന്നതിന് മുമ്പേ പയ്യൻ വലിച്ച പുക വായുവിലേക്ക് ഉയർത്തി പറഞ്ഞു:

"ഉപദേശം പിന്നെയാക്കാം .. ഇപ്പൊ ടീച്ചറ് പോ, ഞമ്മളെ രണ്ടാളെയും മാത്രമായി ആരെങ്കിലും ഇവിടെ കണ്ടാൽ പിന്നെ അതും ഇതും പറഞ്ഞുണ്ടാക്കും"

ടീച്ചർ പ്ലിംഗി പ്ലിംഗി ജീവനും കൊണ്ട് ഓടി ..